| |
|
Menu Principal
|
 |
|
Langues
|
|
|
|
| |
|
|
|
|
Ua oti noa iho nei te heiva i Tahiti 2009, ua manava a'e na te rahira'a o te mau nu'u heiva i te Heiva Nui 2011. E aha ra ia, mea rahi paha ia te mana'o. 'A hāni na ra, fa'a'ite mai na te aura'a ?
Ua rē o Hitireva i te 'āna'ira'a o te mau pupu 'āpī, o Hei Tahiti tei rē i te 'āna'ira'a o te mau pupu tehu. Pōpou ana'e i na pupu e piti e tae noa atu i te mau pupu ato'a i ti'a mai. Ua 'itehia te tahi 'ohipa 'āpī i roto i te ito huti i te mau pupu, 'oia ho'i te mau tumu a ti'a mai ai rātou i teie matahiti. E'ere noa no te 'aro ia vetahi 'ē pupu, no te ti'a noa atu ato'a 'ei pupu e oti te 'ohipa. O te reira te tumu mau no te feiā arata'i e te feiā fatu pupu 'ori. Aita atu ia e tumu 'are'a ra te fatu ato'a ra'a i te 'ohipa tumu. Na te ravera'a e fa'a'ite mai e fatu mau te reira e te reira ta'ata i tā na pupu.
O Hitireva tā mātou pupu i hi'o māite i teie Heiva. Ua 'oa'oa rahi roa vau i te hi'ora'a i te vahine ra o Kehaulani Changuy, piihia Kehau, i te fa'anahora'a mai i tā na 'ohipa. Aita vau i 'ite i te tā'ato'ara'a, 'are'a ra ua 'ite au i te tahi mau tāpa'o huru 'ē roa, e ua 'ite ato'a vau e rave rahi temeiō i roto i teie pupu. Te vai ato'a ra i roto i te tahi atu mau pupu, mea pāpū roa te reira.
|
E'ere e aha ra, e feiā itoito roa te mau rātere 'ori i ti'a ma i teie Heiva. Ua 'itehia te 'aravihira'a o te tā'ato'ara'a. Ia ha'amanavahia te tā'ato'ara'a i rohi mai mai tau mai ā.
'Ati ra ia, ua 'ite au i te fa'anahora'a a Kehau Aita ia e parau hau atu i te mau, 'oia ho'i e poti'i vahine 'āpī o tei rohi fa'aitoito mai i te 'ohipa 'ori e te arata'ira'a pupu o Hitireva. 'Ei pū ha'api'ira'a nā mua roa e ua nu'u' roa mai a tau pae matahiti i teie nei i te 'ohipa fa'atere pupu 'ori tumu. E tama tamahine tā na, e tamahine o ia nā xxx vahine rāua o xxxx tāne. Ua 'apo mai o C. vahine i tā na mau 'apa i piha'i iho ia Mamie Louise Kimitete e tā na mau pehe ia papa Teupō Temaiana rāua tāna tamaiti o Poehei Temeiana.
E aha te vāhi ta'a'ē ato'a, 'oia ia e vahine māramarama o Kehau ua haere ato'a o 'ia i te ha'api'ira'a, mea māramarama ato'a ia te ravera'a.
Te mau temeiō o tā 'u i 'ite, 'oia ia te nape 'auti mo'a. E rau 'auti o tei tītauhia te feiā o te pupu ia firi e ia tu'u i ni'a i tō rātou tino, tau hepetoma na mua i te 'arora'a mau i te tahua To'atā. Ua tītau o Kehau vahine i te tā'ato'ara'a ia tāpe'a rātou i roto ia rātou i te fa'atura te tahi e te tahi. Ia 'ore roa teie tāpa'o ia mutu hou te 'arora'a i ni'a i te tahua. Ia fa'a'ore te reira ta'ata 'ori, te ta'ata fa'a'oto e tā'iri, te feiā hīmene, i te fe'ī'ī, te parau 'ino e te mau mea ato'a a mahae ai te tā'amu i roto i te 'ā'au o te reira e te reira ta'ata e a mutu roa atu ai te tā'ato'ara'a o te 'ohipa.
'Ahini rā e'ere te reira i te temeiō, 'oia ho'i te tahi fa'anahora'a tumu mau e te pa'ari tupuna i roto i teie huru fa'anahora'a. No reiro ihoā ia a manuia ai teie pupu.
Māuruuru i te ta'ora'a mai.
TKNui
Note : Tia'i noa mai te tātara'a na roto i te reo farāni, aita i oti atu ra.
La traduction en français viendra plus tard.
|
|
|
|
| |
Transmis par: TKNui Actif Lundi 27 Juillet 2009 - 05:01
|
|
|
|
|
| |
|
|
| Hitireva : Te 'autī temeiō | S'identifier ou créer un nouveau compte | 1 Commentaire |
|
| Les commentaires appartiennent à leur auteur.
Ils ne représentent pas forcément les opinions de l'auteur du site. |
Re: Hitireva : Te 'autī temeiō
(Score : 1)
par TKNui Actif 28 Jl 2009 - 09:05
(Profil Membre | Envoyer un message http://www.apatoa.org)
|
Aita hoa e taata aravahi e atu no te papai maoti o oe anae aita tuai. Maururu no tera mau parau haviti maua.
Te haapii nei au ite parau i to taua reo haviti maua.
papai hia
tiarenui
|
|
|
|
|
